10.5.2007 | 11:27
Hvers vegna Atla Gíslason á þing?
Kosningabaráttunni er að ljúka. Á laugardag verður ljóst hverjir verða þingmenn Suðurkjördæmis. Í þeim hópi verða margir góðir einstaklingar úr öllum flokkum. Ég leyfi mér sérstaklega að mæla með því að við tryggjum að nýr þingmaður verði kosinn í þann hóp. Þessi maður er Atli Gíslason.Rök mín fyrir því að Atli eigi mikilvægt erindi á Alþingi eru m.a. eftirfarandi:
v Atli er afar hæfileikaríkur og harðduglegur maður. Um það ber öllum saman sem honum hafa kynnst.
v Atli hefur ríka réttlætiskennd og hefur sýnt það í störfum sínum að hann er öflugur talsmaður launafólks og félagslegs jafnréttis á öllum sviðum.
v Atli vill stuðla að öflugri og fjölbreyttri atvinnuuppbyggingu í sátt við umhverfi og náttúru í stað gegndarlausrar stóriðjustefnu. Hann vill skapa á nýjan leik hagstæð skilyrði til nýsköpunar í atvinnulífinu.
v Atli vill jafna aðgang að menntun sem er öflugasta tækið til að jafna kjör landsmanna.
v Atli vill eflingu sveitarfélaganna í landinu með því m.a. að ríkið tryggi þeim sanngjarnan hlut af sköttum landsmanna. Þannig verði best tryggð skilyrði til að bæta þróunarskilyrði mannlífs, atvinnulífs og byggðar um landið allt.
v Atli hefur sérstaklega sett sig vel inn í þau mál sem snerta Vestmannaeyjar og þess vegna gerir hann sér glögga grein fyrir hver helstu hagsmunamál okkar Vestmannaeyinga eru nú og á komandi árum.
Af þessum ástæðum og fjölmörgum öðrum veit ég að með því að kjósa Vinstri græn í kosningunum á laugardaginn tryggjum við þingsæti manni sem sannarlega á erindi á Alþingi, manni sem standa mun dyggan vörð um þau meginatriði sem ég hef nefnt hér að ofan ásamt fjölmörgum öðrum. Við getum treyst því að Atli Gíslason stendur vel fyrir sínu og styður okkur af fullum krafti í að gera Vestmannaeyjar að betra samfélagi til framtíðar. Ragnar Óskarsson
Stjórnmál og samfélag | Breytt s.d. kl. 11:32 | Slóð | Facebook | Athugasemdir (0)
8.5.2007 | 07:59
Hvað er Sjálfstæðisflokkurinn heldur áfram?
Ég veit að mörgum er eins farið og mér og óttast mjög að Sjálfstæðisflokkurinn fái of mikið fylgi í Alþingiskosningunum 12. maí. Flokkurinn fer nú fram undir kjörorðinu: „Við náum árangri.” Þegar maður veltir fyrir sér kjörorðinu kemur í ljós að það er á vissan hátt rétt. Hins vegar vandast málið heldur þegar spurt er: „Árangri fyrir hverja, árangri fyrir alla eða bara suma?” Þess vegna er nauðsynlegt að halda til haga og minna á hvaða árangri Sjálfstæðisflokkurinn hefur náð í þau ár sem hann hefur setið óáreittur og ráðandi í ríkisstjórn:
v Sjálfstæðisflokkurinn hefur breikkað bilið milli efnaðra og fátækra í landinu. Auðmennirnir fá sitt án refja en þeir sem minnst hafa eiga sífellt erfiðari afkomumöguleika.v Sjálfstæðisflokkurinn hefur séð til þess að auka álögur á aldraða og öryrkja og rýra réttmætar bætur þeirra.v Sjálfstæðisflokkurinn hefur stóraukið kostnað vegna náms ungs fólks í landinu. Sífellt dæmi eru um að efnilegt ungt fólk þurfi að hrökklast frá námi vegna efnahags. v Sjálfstæðislokkurinn hefur afrekað það að fjármagnseigendur greiða einungis 10% fjármagnstekjuskatt á sama tíma og almenningur greiðir yfir 30% skatt.v Sjálfstæðisflokkurinn hefur gert landsbyggðinni æ erfiðara fyrir og víða er svo komið að mörg sveitarfélög eru í algeru fjárhagssvelti.
v Sjálfstæðisflokkurinn hefur séð til þess að samgöngumál Vestmannaeyinga eru enn í algerri óvissu og meðal annars þess vegna eru Vestmannaeyjar í sífelldri vörn í stað þess að sækja fram. Ef Sjálfstæðisflokkurinn heldur áfram um stjórnvöl landsins er víst að haldið verður áfram á sömu braut. Engin ástæða er því fyrir okkur að kjósa þann flokk sem leikið hefur íslenskan almenning svo grátt í stjórnartíð sinni. Enn síður er ástæða er að kjósa þann flokk sem algerlega hefur hunsað samgöngur okkar Vestmannaeyinga og skilið okkur eftir í óvissu um okkar brýnustu hagsmunamál til framtíðarinnar. Öll atkvæði greidd Sjálfstæðisflokknum eru ávísun á að Sturla Böðvarsson fari áfram með samgöngumál í landinu og haldi áfram að leggja okkur Vestmannaeyinga í einelti. Ekki er heldur og jafnvel enn síður ástæða til þess að kjósa Framsóknarflokkinn sem hefur stutt stjórnarstefnu Sjálfstæðisflokksins dyggilega og er orðinn eins og viljalaust verkfæri í höndum hans.Vinstri Græn boða í stefnu sinni gjörbreytta sýn. Þar eru lagðar grundvallaráherslur á að rétta m.a. hlut almennings og náttúrunnar og þar er boðið upp á nýjar og raunhæfar lausnir í atvinnumálum, samgöngumálum og velferðarmálum.Með því að kjósa Vinstri Græn getum við breytt samfélaginu til betri vegar. Er ekki tími til kominn? Ragnar Óskarsson
Stjórnmál og samfélag | Breytt s.d. kl. 08:08 | Slóð | Facebook | Athugasemdir (0)
2.5.2007 | 17:14
Hvaða fólk í fyrirrúmi?
Ég fór í framhaldi af þessari glæsilegu auglýsingu að velta fyrir mér hvaða fólk það væri sem Framsóknarflokkurinn vildi hafa í svona miklu fyrirrúmi.
· Eru það öryrkjar og aldraðir sem Framsóknarflokkurinn hefur verið duglegur að skerða kjörin hjá undanfarin ár? ( Tryggingaráðuneytið er í höndum Framsóknarflokksins)
· Eru það sjúklingarnir sem þurfa að greiða sífellt hækkandi sjúkraþjónustu, komugjöld o.s.frv.? (Heilbrigðisráðuneytið er í höndum Framsóknarflokksins
· Eru það verkamennirnir við Kárahnjúka sem margir hverjir lifa við aðstæður sem ekki eru mönnum sæmandi? ( Iðnaðarráðuneytið er í höndum Framsóknarflokksins og reyndar félagsmálaráðuneytið líka.)
· Eru það kannski þeir sem eiga vegna ýmissa aðstæðna rétt á bótum úr almannatryggingakerfinu, bótum sem minnka sífellt að verðgildi og eru þess utan skattlagðar? ( Tryggingaráðuneytið er í höndum Framsóknarflokksins).
Þegar ég hafði skoðað málið og nokkur önnur sem unnt væri að nefna komst ég að raun um að ekki gæti verið átt við þetta fólk, þ.e. öryrkjana, hina öldruðu, sjúklingana, verkamennina og þá sem rétt eiga á bótum úr almannatryggingakerfinu. Það fólk er greinilega ekki í fyrirrúmi. En hverja skyldi þá átt við? Skyldi kannski vera átt við hina 4 glæsilegu Framsóknarmenn sem prýða auglýsinguna sem ég gerði að umtalsefni hér í upphafi.
Ragnar Óskarsson
ÞEIM fækkar óðum sem telja að hægt sé að "afgreiða" Vinstri græn í pólitískri umræðu með því að segja einfaldlega: "Vinstri græn er flokkurinn sem alltaf er á móti." Um nokkurt skeið hefur þetta dugað ótrúlega vel, svo vel að stefna flokksins hefur í raun verið aukaatriði fyrir marga. Nú er þetta að breytast og fólk lætur sér ekki nægja innantómar upphrópanir á borð við þá sem hér að framan er nefnd. Fólk er einnig að gera sér grein fyrir að þeir sem hrópað hafa sem hæst um "á móti stefnu" Vinstri grænna eru smám saman að mála sig út í horn ef svo má segja. Nú hefur fólk í síauknum mæli kynnt sér stefnu flokksins og málefnastöðu og eftir þá kynningu veit það vel fyrir hvað flokkurinn stendur. Það veit og skynjar hve mikilvægt erindi vinstri græn eiga við Íslendinga einmitt nú um þessar mundir. Í framhaldi af þessum vangaveltum er ekki úr vegi að rifja upp nokkra þætti sem vinstri græn standa fyrir og eru með.
Byggðamál
Vinstri græn eru mjög eindregið með því að styrkja stöðu landsbyggðarinnar. Þetta viljum við m.a. gera með því að auka valddreifingu og leiðrétta þá fjárhagslegu mismunun sem landsbyggðarfólk býr við á svo mörgum sviðum. Við viljum styrkja fjárhag sveitarfélaganna í landinu þannig að þau fái sanngjarnan skerf af skatttekjum landsmanna en berjist ekki sýknt og heilagt fyrir fjárhagslegu lífi sínu eins og langflest þeirra gera nú. Ef fjárhagur sveitarfélaganna er styrktur skapast ráðrúm til traustrar samfélagsþjónustu sveitarfélaganna. Þá geta þau veitt þá þjónustu sem íbúarnir eiga rétt á. Þessi atriði eru ein grunnforsenda þess að landsbyggðin eigi framtíð fyrir sér.Atvinnumál
Vinstri græn eru með því að atvinnulífið þróist í átt til aukinnar fjölbreytni og að það nýti umhverfisvæna tækni. Sérstaka áherslu ber að leggja á stuðning við fjölbreytta nýsköpun svo og vöxt og viðgang lítilla og meðalstórra fyrirtækja. Mikilvægt er að hefðbundnir atvinnuvegir, einkum við sjávarsíðuna og í sveitum landsins, þróist í sátt við samfélagið og verði til styrktar byggð í landinu öllu. Nýta ber sérstöðu Íslands og íslenskar auðlindir ásamt tækni og þekkingu til að skapa landsmönnum störf við fjölbreytt og þróað atvinnulíf en varast að einblína á allsherjarlausnir og einstaka stóriðjukosti eins og gert er um þessar mundir. Vinstri græn eru því með sjálfbærri orkustefnu í stað mengandi stóriðju og stórvirkjunum sem valda óheyrilega mikilli röskun á náttúru landsins. Við erum einnig með því að breyta núverandi fiskveiðistjórnunarkerfi þannig að það nýtist þjóðinni allri á sem sanngjarnastan hátt enda eru auðlindir hafsins sameign íslensku þjóðarinnar. Þá erum við vinstri græn með vistvænum fiskveiðum og vernd uppvaxtarsvæða nytjafiska.Utanríkismál
Vinstri græn eru mjög eindregið með því að Íslendingar móti sjálfstæða utanríkisstefnu en niðurlægi sig ekki hvað eftir annað með því að fylgja í blindi hernaðarhyggju stórveldanna eins og nú. Sú utanríkisstefna sem vinstri græn eru með á um leið að vera friðarstefna sem hafnar allri vígvæðingu. Við erum einnig með því að friðlýsa landið og lögsögu þess fyrir kjarnorku-, sýkla- og efnavopnum. Beina verður meiri athygli að umhverfisöryggi en nú er gert og vernda hafið fyrir úrgangi m.a. frá kjarnorkuverum og herstöðvum.Kvenfrelsi
Vinstri græn eru með kvenfrelsi en langt er í land með að það náist. Við minnum á að góð samfélagsleg þjónusta er ein meginforsenda kvenfrelsis og því þarf að tryggja þá þjónustu eigi árangur að nást. Við erum með því að kynjafræði eigi að vera sjálfsagður hluti af skólakerfinu enda teljum við að forsenda kynjajafnréttis sé að uppfræða komandi kynslóðir um ástandið í samfélaginu og hvetja ungt fólk til að axla ábyrgð og breyta.Verum öll með
Í skoðanakönnunum um fylgi flokkanna að undanförnu hafa Vinstri græn fengið góða útkomu. Þótt skoðanakannanir séu ekki kosningar gefa þær allgóðar vísbendingar og þær eru vinstri grænum vissulega ánægjuefni um þessar mundir. Þessi góða útkoma er fyrst og fremst því að þakka að fólk veit í ríkari mæli hvaða málefnum Vinstri græn eru með og fólk veit einnig að þau málefni eru réttlætismál og framfaramál fyrir íslenskt samfélag. Tökum þátt og verum öll með í að skapa þetta samfélag.Höfundur er fyrrverandi bæjarfulltrúi í Vestmannaeyjum.
Bloggar | Breytt s.d. kl. 17:08 | Slóð | Facebook | Athugasemdir (1)
24.2.2007 | 00:51
RSS
helgigunnars
aevark
fosterinn
